بالفيديو مبارك في تسجيلات صوتية منسوبة له يسخر من مرسي و يقول : تنحيت لأحافظ على الأرواح و الجيش زي الفل و عمر سليمان كان مصاب بمرض خطير

قال الرئيس السابق حسني مبارك انه كان بمقدوره الاستمرار في الحكم في فبراير 2011 , لكنه تنحي حفاظا علي ارواح الناس , حسب قوله , مشيرا الي انه لم يقم باقالة المشير طنطاوي خلال ايام الثورة , حتي لا يظن بعض الناس انه رفض تنفيذ الاوامر بضرب الناس بالسلاح , ومن ثم يتحول الي بطل قومي.

واضاف مبارك في تسجيلات صوتية :  الامور دي الواحد لازم يوزنها صح ' , مؤكدا ان الجيش المصري بخير , وفيه ابطال , و أضاف : ولادنا زي الفل , عندهم اسلحة متطورة , واحنا اشتغلنا علي ده كتير , جبنا لهم احدث الاسلحة وكان الامريكان بيلاعبونا , واحنا لاعبناهم كتير , لان مفيش اغلي من الجيش في مصر.

وعن حالة الضيق و المظاهرات من اداء الاخوان , قال مبارك ' همه اللي اختاروهم ' , معقبا علي اداء مرسي و الاخوان , بقوله ' اهو بيتفسح ' .

وعن ملابسات وفاة اللواء عمر سليمان , نفي الرئيس السابق , ان يكون مات مقتولا , مضيفا , عمر كان مريضا , كانت عنده مشكلة خطيرة في القلب , الله يرحمه , وعن احتمالات استمرار الاخوان في الحكم , قال مبارك : ' والله مش عارف.

وقال مبارك , في التسجيلات , و الله بعد موت حفيدي كنت عايز اتنحي , كنت عايز امشي , هما دلوقتي عايزين يبهدلوني , من المستشفي للسجن للمحكمة , فاكرين انهم بيذلوني , لا انا في حياتي شفت اكتر من كده بكتير , حاربت , واحنا في الجيش بنتعب كتير في حياتنا , واتعودنا علي الشقا , انا ببساطة الآن عايش ومش خايف , ربنا هو العالم بكل شيء.

وتناول الرئيس السابق حسني مبارك طبيعة الخلاف مع المشير ابو غزالة , بحسب التسجيلات , وقال ان ابو غزالة وافق علي طلب الامريكان بمنحهم قاعدة عسكرية في مصر , وقالي لي ذلك فقلت له انت مين عشان توافق , الارض مش ملكك ولا ملكي.
ويواصل الرئيس السابق : ' الامريكان كانوا عايزين يعملوا لنا شبكة الكترونية للقوات المسلحة , طبعا عشان الشاشة تكون في امريكا واسرائيل , فقلت لوزير الدفاع زحلقهم , مفيش حاجة من دي هتحصل , رجعوا تاني وكانوا عايزين يوصلوا كل سنترالات القاهرة بسنترال رمسيس , واتفقوا مع وزير الاتصالات , وعرفت الموضوع من القوات المسلحة , وعرفت ان هذا المشروع معناه ان الامريكان يقدروا يصيبوا الاتصالات في مصر كلها بالشلل , يعني لما يتوقف سنترال رمسيس تتوقف كل الاتصالات , وجبت وزير الاتصالات وقلت له ان كده معناه ان اي مكالمة لازم تعدي علي سنترال رمسيس؟ فقال لي الوزير ان الامريكان هيعملوا ده ببلاش , فقلت له اوعي توافق , فاجاب هما وصلوا سنترال الجيزة , قلت له كفاية الجيزة وزحلقهم بهدوء , وفعلا زحلقناهم ' .

و أضاف مبارك : ' في 2006 او 2007 جاء الامريكان وطلبوا تردد FM للقاهرة الكبري وذهبوا لوزير الاعلام فقال لهم ان القانون لا يسمح , فجاءني السفير الامريكي وكرر طلبه وقال انهم حاجزين 270 مليون دولار من المعونة بسبب الموضوع ده , فقلت له خليهم عندكو , خليهم متجمدين احسن ' .