استمرت الحركات السياسية و الناشطين و شباب
الثورة في الحشد المكثف لانجاح جمعة لم يتحدد اسمها بعد بين ' جمعة المطلب الواحد
' و ' جمعة استرداد السلطة ' مع ميل واضح للتسمية الأخيرة , و ينظر لمليونية 18
نوفمبر على أنها ستكون فاصلة و سيكون لها ما قبلها و ما بعدها في تحديد مصير مصر بعد ثورة 25 يناير .
و يقود الناشطون على مواقع التواصل الاجتماعي فايسبوك
و تويتر الدعوات لإقامة الحشد عن طريق ورقة مطالب جرى تداولها و سيتم رفعها يوم 18
نوفمبر في ميدان التحرير , أما عن أهم ما جاء فيها من مطالب فقد كانت كالتالي :
قيام المجلس العسكري بتحديد تاريخ لترك السلطة لرئيس
منتخب قبل أبريل 2012
حقي ماحدش يفرض عليا دستور يتكتب بأيد ناس ماانتخبتهاش , و إن الشعب يقرر حقه في دستوره بدون مواد فوق دستورية
حقي لما أتكلم لا أتكهرب و لا أتعذب و لا أترمي في
سجن حربي و لا تتقفل قناتي
حقي إن قانون الطوارئ يتوقف و إن الغلابة اللي مالهمش
ضهر تتوقف إحالتهم لمحاكمات عسكرية بدرجة أسوأ من عهد مبارك
حقي إن ابن بلدي في جيشي يحمي حدودنا مش يحمي صينية
التحرير و لما يضرب يضرب عدوه مش يضرب أخوه
حقي إن أمن الدولة اللي عذب فيا و أهان يتحل بدون
رجعة مش يتغير اسمه و يعقتل ويعذب في الناس تاني
حقي إن يبقى في أمن في بلادي يحمي بيوتنا و مستشفياتنا
و طرقنا و ينظم مرورنا مش يعاقبنا على ثورتنا
حقي أعرف فين القناصة و فين ظباط الشرطة و الأمناء
اللي قتلوا الثوار و اللي اتمسكوا في اللجان الشعبية , و فين المفقودين من أيام الثورة
حقي إن يبقي الحد الأدنى للأجور 1200 جنيه بحكم
محكمة يتنفذ و إن الحد الأقصى للأجور برده يتنفذ مش يفضل موظفين مرتباتهم لحد دلوقتي
مليون جنيه شهريا
حقي كنوبي أو سيناوي أو عرباوي أحس إني أنتمي للبلد
دي و آخد حقي فيها و ما اتعاملش درجة تانية و أقدر أتملك أرضي
حقي إني أتكلم بس الأهم إني أتسمع
و في ختام الورقة التي تحضي بإجماع من رواد صفحات مواقع التواصل الاجتماعي أكدت أن الجهات المشاركة في المليونية
هي كل من : حملة حازم صلاح أبو إسماعيل و الإخوان المسلمون و حزب العدل و شباب الحزب
الناصري و حزب الأصالة و حزب الوسط و حركة 6 أبريل و الجبهة السلفية و الهيئة الشرعية
للحقوق والإصلاح و حزب البناء و التنمية و الجماعة الإسلامية و حركة الثوريين الاشتراكيين .
ليست هناك تعليقات :
إرسال تعليق