بعد لقاء اجراه الرئيس المصري محمد مرسي مع التلفزيون المصري ليل أمس السبت , وجد مستخدمو المواقع الالكترونية في بعض من حديثه مساحة للتندر و السخرية , و لعل متصفحي فيسبوك و تويتر يلاحظون تكرار السخرية من موضوع المانجا , الذي اصبح الشغل الشاغل للمصريين في بداية هذا الاسبوع .
فخلال اللقاء , الذي بث مساء السبت علي قناتي النيل و القناة الاولي , تناول مرسي عددا من القضايا كان من ابرزها الخطط المستقبلية الخاصة بالاقتصاد و السياحة و الزراعة , و تطرق الي زيادة نسبة المحاصيل الزراعية في مصر , و اعطي المانجا كمثال علي ذلك , قائلا ' ان انتاجها زاد هذا العام , و انخفض سعرها في الاسواق ' , و كان هذا المثال الذي قدمه مرسي هو ما فتح الباب امام المصريين للسخرية مما قيل .
فعلي فيسبوك , وردت بعض المشاركات علي صفحة ' هنا الثورة ' , منها ' مشروع النهضة هيركز علي منجانية التعليم ' , و قالت مشاركة اخري : ' و ما نيل الطماطم بالتمني -- و لكن تؤخذ المانجا غلابا ' .
و علي نفس الصفحة , كتب القائمون عليها : ' في يوم من الايام , قال الشعب لماري انطوانيت , اننا لا نجد الخبز يا جلالة الملكة , فقالت لهم : كلوا بسكويت -- و اليوم , الشعب يقول لمرسي : الطماطم ب 8 جنيه يا ريس , ليجيبهم بالقول : كلوا مانجا ' .
كما استوحي القائمون علي الصفحة كلمات من وحي اغنية ام كلثوم الشهيرة ' اعطني حريتي ' , قالوا فيها : ' اعطني مانجتي اطلق يديا -- كل مرة بنهضتك تضحك عليا ' .
و في معرض الردود , كتب معلق : ' متستغربوش من واحد بيقول اصبروا علي مرسي 4 سنين -- ده انسان بطبعه مش حاسس بالفقر و لا بالفساد و لا الظلم اللي حواليه -- بكل بساطه البلد مليانه بؤر فساد -- لو حصل تطهير فعلي هيظهر و لو حصل تطبيق للحد الاقصي للاجور هنقدر نوفر الحد الادني بعده -- لكن بعد 80 يوم من الرئاسة السلع تغلي -- و المانجا ترخص -- و بكل بجاحة الناس تدافع عن الاداء الهش الضعيف ده -- دي اشخاص تعشق العبودية -- احنا ثوار للحق و للعدل -- و هنفضل ورا الحق و العدل ' .
غير ان صفحات اخري علي فيسبوك لم تجد في هذه التصريحات اي مدعاة للسخرية , و منها صفحة ' امسك فلول ' , التي تساءل القائمون عليها حول اسباب مثل هذه التعليقات , فكتبوا : ' دي التصريحات اللي الرئيس مرسي ذكر فيها المانجا -- اللي شاف في الكلام ده حاجة عيب يقول ! ' .
و في معرض الردود , كتب معلق : ' معظم الي بتريقوا انا واثق انهم ماشفوش الحوار اصلا ' , و قال حسام نصر : ' كلام عادي فعلا بس للعلم ان نتيجة المنتجات دي مش في عهده لانه بقاله 3 شهور فقط ' .
اما ساسا هنداوي فكتبت تقول : ' ده ضحك ع الدقون مانجه ايه اللي رخيصة و النبي خليه يسكت , ده كوباية عصير المانجا ب 4 جنيه ' , و كتب آخر : ' الكلام مفيهوش عيب و الحوار كان في مجمله جيد -- لكن المتربصين يحملون الكلام معاني لا اصل لها , فهم هدفهم التشويه فقط , حتي و ان كان الكلام ليس به اي عيب ' .
و علي تويتر , برزت الكثير من التعليقات الساخرة مما قاله الرئيس مرسي , و منها ما يلي :
سيادة الفنان الرئيس مرسي : المانجا ما رخصتش في عهدك -- دي كل حاجة تانية هي اللي غليت .
الدستور المصري الجديد شبه المانجا -- بيزفلط و فيه بذرة كبيرة اوي اسمها الجهل ! -- بمناسبة اعلان مرسي ان المانجا في مصر بقت ارخص من الطماطم !
فعلا سعر المانجا في عصر النهضة بقي في متناول الجميع ده بقي ارخص من رغيف العيش , ده انا بغمس الفول بالمانجا دلوقتي .
احنا فعلا شعب تافه علشان نسيب كل الكلام اللي قاله الرئيس و نمسك في المانجة -- مفروض نتامل كلامه كويس يمكن نلاقي فيه انواع فاكهة تانية .
قرض مليار دولار من السعودية -- قرض 2 مليار دولار من قطر -- قرض 6 مليار دولار من صندوق النقد الدولي -- مرسي بيلبسنا في الحيط و يقولنا المانجا رخصت .
النظام القديم وفر لنا الكوسا و النظام الحالي وفرلنا المانجا , عايزين ايه تاني يا طفسين ؟
شاهد الفيديو :
ليست هناك تعليقات :
إرسال تعليق