وقعت مشادة كلامية بين الاعلامي محمود سعد مقدم برنامج ' آخر النهار ' , و نادر بكار الناطق باسم حزب النور السلفي , وذلك بسبب اصرار تيارات الاسلام السياسي علي التظاهر يوم السبت القادم في ميدان التحرير تاييدا لقرارات الرئيس محمد مرسي .
و قال سعد : ' انا اطلب منكم التفكير في مظاهرات يوم السبت عشان متحطوش الكبريت جنب النار , المتظاهرون متواجدون اصلا في الميدان ومينفعش نقولهم امشوا عشان احنا نيجي ' .
و عقب بكار عبر مداخلته الهاتفية قائلا : ' احنا مقلناش لحد يمشي , و مش احنا اللي بنعمل مشاكل , الناس كلها عارفة مين المؤدب ومين المحترم , مش احنا اللي بنحرق المقرات واحنا ملتزمين بالشرعية وعمر ما حد فينا مد ايده علي مقرات حد تاني ' .
فقاطعه سعد مدافعا عن حرق المقرات قائلا : ' انت كدة بتقول علي المتظاهرين ' صيع ' لما تثبت ان حد حرقها من المتظاهرين تبقي تتكلم , قبل كدة الاخوان اعتدوا علي المتظاهرين امام مجلس الشعب ' , ورد بكار : ' واحنا داخل مجلس الشعب اترمي علينا مولوتوف ' , فقاطعه سعد : ' لا ده محصلش ' .
شاهد الفيديو :
ليست هناك تعليقات :
إرسال تعليق