قصيدة من صلاح عبد الله للرد على ورود اسمه في وثيقة الاغتيال المزعومة

كتب الفنان الكبير صلاح عبد الله علي صفحته الرسمية علي موقع الفيس بوك قصيدة من تاليفه قام بتاليفها من 33 عاما بمناسبة ادراج اسمه في قائمة اغتيالات مدينة نصر , حيث كتب ' بمناسبة ورود اسمي في قائمة الاغتيالات التي ضبطت مع خلية مدينة نصر المزعومة -- ههههههههههه -- مش عارف ليه ؟! اكيد مش انا ولا ايه ؟ رقم ٢ في الشخصيات الفنية في ذيل القائمة , اكتب ' احضنيني الدنيا برد -- احضنيني -- ولو حاولوا -- ياخدوني منك -- يخطفوني -- اخطفيني -- اخطفيني من ايديهم -- قبل ما اتنرفز عليهم -- فبل ما -- اهيج واثور -- وانا آخر مره ثرت فيها -- قاسيت كتييييييييييير احضنيني الدنيا برد -- احضنيني بقلب جامد -- احضنيني بشوق جديد -- اعصري الكبت اللي راقد . بين ضلوع من حديد -- اعصري الضيق الشديد -- اعصري الحزن اللي سارح في الشريان و الوريد -- اعصريه واعصريني وخرجيني ' .

' خرجيني ماللي جوه -- دا اللي جوايا بلاوي . واسرقيني من همومي بالحكاوي -- بالهزار -- بالغناوي -- باي حاجه -- بس حاسبي في اي حاله -- تفكريني باني ضايع او اني فاشل او اني زي اي حد في اي حاجه -- اقولك -- اعمليلي حاوي -- وحسسيني باني كائن ليا قيمه -- وان فيا صفات كتييير -- هايله وعظيمه -- باني ممكن اكون -- رئيس حكومة او نجم سيما -- بان فيا -- مايشد حوا ليا -- باني بكره حصبح غني واصبح شهير -- بان مستقبلي -- غير -- مستقبل التعمير -- غير مرتبط بهذا البلد -- اللي الفقير فيها لما اغتني -- اصبح فقير ' .

و اضاف تمت بحمد الله , و الله العظيم الكلام ده عمره ٣٣ سنة ويمكن زيادة ' .