تداول نشطاء علي مواقع التواصل الاجتماعي فيديو للاعلامي محمود سعد اثناء مشادته مع الدكتور احمد عارف -- الناطق باسم الاخوان المسلمين.
وقال عارف : مصر تجر لمعارك غير اخلاقية وبيتجاب فيها اجوان قبل الاخوان نفسهم و الكل بيخسر -- واي معادلة في مصر مينفعش نخرج منها رقم كبير اسمه المنتفعين من النظام السابق -- ينفع اخرج دول من اي معادلة سياسية تحدث بيني وبين اي حد من السياسيين؟ وقتها النتيجة هتطلع غلط -- يعني مثلا البلطجة المنظمة اللي حصلت امبارح دي تخليني اسال اين تم تسمين هذه البلطجة؟ اكيد في النظام السابق -- لذلك مينفعش اني اتعامل وكان الرقم ده مش موجود -- واول واحد هيتغاضي عنه هيبقي اكلت يوم اكل الثور الابيض -- وده يخليني اسال اللي اجرموا في حق الشعب دول -- اختفوا؟ او اتبخروا؟ اللي كانوا بيتم تربيتهم من اجل الحفاظ علي استقرار النظام السابق تابوا علي ايد الاخوان؟
وهنا انفعل محمود سعد قائلا : سيادتك مستفزني غاية الاستفزاز -- مش قادر اسكت عليك -- وعايز اسيبك تكمل كلامك بس مش قادر -- دي مسؤولية مين؟ انا اللي همسك البلطجية؟ انتوا مش مدركين انكم سيبتوا العارضة وبقيتوا في السلطة -- انت معاك رئيس الجمهورية ووزارة الداخلية ووزارة الدفاع -- لموا الناس البلطجية اللي في الشارع دول -- وفي اجهزة امنية في البلد -- و المفروض تطهرها عشان تشتغل -- انت المسؤول عن هذا الفساد وعن هؤلاء البلطجية .
شاهدة الفيديو :
ليست هناك تعليقات :
إرسال تعليق