بالفيديو وجدي غنيم : وزير الداخلية جاهل و لو كان الرسول يريد دخول الشرطة لرفضه لأنه ملتحي

هاجم الداعية وجدي غنيم , اللواء محمد ابراهيم وزير الداخلية , هجوما ضاريا , بعد تصريحاته بعدم الموافقة علي الضباط الملتحين , ووصفها ب ' الضلالات ' , وقال ما كنت اتخيل ان وزير داخليتنا بهذا الجهل و الضلال في الدين.

واضاف غنيم , حينما سُئل وزير الداخلية عن موقفه من الضباط الملتحين , اعلن انه سيقف ضدهم ورافضا دخولهم جهاز الشرطة , فتساءل ' ليه رافض سنة رسولك اومال اسمك محمد علي ايه غير اسمك بقي ' , ودلل علي ذلك بان الرسول كان ملتح وقال قصوا الشوارب وهذبوا اللحي , مشيرا الي ان العلماء طالبوا بقطع اللحية , ' تيجي انت تقف قدام امر شرع ربنا ' .

واضاف مخاطبا وزير الداخلية , في كلمة مصورة عبر ' يوتيوب ' , ان الاسلام عبارة عن شرائع وشعائر كالآذان و اللحية , ومن يعظم شعائر الله فانها من تقوي القلوب ' روح دور علي قلبك اللي اسوّد وخلي الشيطان يضحك عليك وتقف امام شعيرة من شعائر الله ' .

كما علّق غنيم علي قول ابراهيم : ' لم اسمح باخونة الشرطة ' , وقال ' انت مين انت عشان تسمح او ماتسمحش -- ده غصب عنك , الاخوان هم من عينوك لكن العيب مش عليك العيب علي مرسي انه ساكت عليك ' -- و أضاف ' ان شاء الله الضباط الملتحون هيرجعوا وانت اللي هتمشي ' .

كما انتقد عبارة ' الاسلام السياسي ' , قائلا ' هو فيه اسلام سياسي واسلام مش سياسي -- روح اعرف دينك الاول , اقسم بالله مانت عارف دينك ' .

كما اعتبر ان الاحكام القضائية التي حصل عليها الضباط الملتحون وصمة عار في وجه مرسي , لانه كان لزاما عليه ان يعيدهم الي العمل دون احكام قضائية.

وطالب غنيم برفع قضية ضد وزير الداخلية لانه يتحدي القضاء , علي حد قوله , بعد ان صرح وزير الداخلية بانه لن يدخل ضابط ملتح جهاز الشرطة طيلة وجوده في المنصب , فرد غنيم ' هيدخلوا غصب عنك -- المفروض حد يرفع عليه قضية ده بيتحدي القضاء , وهتكون في مزبلة التاريخ , وهيتقال انك تقف امام شعائر الله وربنا هيخزيك ان شاء الله ' , واضاف ' ماتروح تشوف شغلك بعيد عن محاربة شعائر الاسلام و الرسول -- كان غيرك اشطر ' .
واردف قائلا ' العيب مش عليكم , العيب علي الرئيس المؤمن الملتحي اللي مش عارف ينصر القرآن و الدين , امام هؤلاء السفهاء , حسبي الله ونعم الوكيل في كل من يحارب الاسلام ' .

وخاطب غنيم , الضباط الملتحين قائلا ' لاتعباوا بهذا الضلال وتمسكوا وسترجعون معززين مكرمين ' , كما نصحهم بمزيد من الصبر امام ' هؤلاء الجهال الضلالية ' .

وطالب الجميع ان يدعو معه دعاء ضد من يحارب الاسلام ووزير الداخلية ' ربنا يحرمه من شفاعة النبي , يارسول بيحارب دينك مش عاجبه ذقنك ' , مضيفا ' اذا بعث النبي واراد الدخول الي جهاز الشرطة هل ستمنع الرسول لانه ملتح -- اللهم لايجعلك ان تحشر معهم ' .