و قال الابراشي ان احد النشطاء اخبره ان الشرطة تؤجر اطفالا لكي يقذفوها بالطوب لتعطي لنفسها ذريعة الهجوم علي المتظاهرين السلميين علي حد وصف الابراشي.
فرد لطفي قائلا : ' هنتكلم باسلوب علمي وفي نطاق قانوني -- تحت امرك -- الناشط اللي بيتكلم ده بيلفق لجهاز الشرطة -- كيف نستخدم الصبية وهم ليس لهم اهلية سياسية -- هل من حقهم ان يقفوا في مظاهرة او يدلوا باصواتهم في الانتخابات؟ -- شوف مين اللي بياجر الصبية يا بيه عشان يهدم الدولة -- وشوف مين اللي بيضرب الضباط بالخرطوش ' .
و اضاف لطفي : ' انت المفروض يا وائل بيه تقوم بدور وطني وتقول الحقيقة لمصلحة بلدنا -- ونحلل الامور تحليل علمي -- الصبية دول ملهمش اهلية سياسية و المفروض اهاليهم يفعلوا قانون الطفل لان عدم رعاية الحدث دي جريمة ' .
فساله الابراشي قائلا : ' لماذا لا تقبضون علي هؤلاء الصبية يا سيادة اللواء؟ ' فرد لطفي قائلا : ' بنقبض عليهم يا بيه وبيتجوا تهاجمونا تاني يوم الصبح وتقولوا بيقبضوا علي الاطفال! -- اطفال الشوارع دول اللي بيستخدموهم ناس مش كويسة اللي بتحارب الدولة ' .
و اردف : ' وارجو ان تعين لنفسك مستشار قانوني يا استاذ وائل لانك تردد الكثير من المغالطات -- فمنذ عدة ايام كنت تقول للواء ناصر العبد : وفيها ايه لما المتظاهرين يضربوا الشرطة بالطوب؟ -- احب اقولك ان ده ظرف مشدد للعقوبة لانك ممكن تقلع عين ضابط -- ويجب ان يحاسب كل من يعطي لهؤلاء غطاء سياسي وعلي راسهم القنوات الفضائية ' .
واكمل : احنا الناس واقفة معانا تحمي قسم الشرطة -- مش الاعلاميين اللي بياخدوا مليون جنيه و2 مليون جنيه ويهيجوا الدنيا ' .
لمشاهدة الفيديو :
ليست هناك تعليقات :
إرسال تعليق