فيديو عمرو أديب يشيد بعنف الثقافة : لو لم تتدخل الشرطة لانقاذ المغير لتحول الى شاورمة و لانشون

قال الاعلامي عمرو اديب , مساء يوم أمس الثلاثاء , ان رجال الشرطة انقذوا الناشط الاخواني , احمد المغير , اثناء الاشتباكات التي دارت عند محيط وزارة الثقافة .

و اوضح ' اديب ' , في برنامجه ' القاهرة اليوم ' علي قناة ' اليوم ' بشبكة اوربت : ' لولا البوليس النهارده كان المغير و الذين معه اتقطعوا لانشون واتقطعوا شاورمة , لانه هو المغير المعتدي وربنا فوق كيد المعتدي , وما حدش يعتدي علي حد وربنا ينصره ابدا , وكل حتة علقة ' .

و وجه ' اديب ' التحية لمن تصدي ل ' المغير ' و من معه عند وزارة الثقافة , بقوله : ' تسلم ايديكم يا ولاد , وتسلم ايدين كل راجل وكل ست , وفي عالمنا العربي لما راجل ينضرب من ست تبقي مهينة ' , و اضاف : ' الوحش اللي ضرب المغير بنت بميت راجل ' .

وتهكم ' اديب ' بقوله : ' علاقة المغير بالثقافة مهمة جدا ' , مشيرا الي ان من تم الاعتداء عليهم ' مشيوا وهم يجرّون اذيال الهزيمة ' , واصفا في الوقت نفسه ' المغير ' ب ' وحش الجيش الاسلامي ' , وتساءل : ' هل دي بروفة لجيش التحرير الاسلامي قبل 30 يونيو ' .

و أضاف : ' كان فاكر انه رايح يحرر بيت الثقافة ' , موجها التحية للامن المصري علي حياده بين المتظاهرين , كما قال : ' ارجو خيرت الشاطر يطلع بيان و يقول انه ' المغير ' مش الراجل بتاعي و لا عمري عرفته و لا عايز اعرفه ' .

واضاف ' اديب ' : ' احمد المغير فنان استعراضي مهم جدا , لانه يقدم حاجة قريبة للفن الياباني الكابوكي ' , مستكملا حديثه بعرض مقطع مصور يظهر فيه ' المغير ' راقصا بصدره العاري للتهكم و السخرية من المعارضة , متابعا بقوله : ' ازاي تضربوا الراجل و يجيب دم منه , انا مش وريتلكم انه فنان استعراضي ' .